بریلی میں ضلع انتظامیہ نے بندوق اور روالور کے کارتوس کی فروخت پر تحقیقات کرنے کااعلان کیا ہے. دراصل ضلع انتظامیہ کو شک ہے کہ ان دنوں بریلی میں کارتوس فروخت کرنے والے تمام دکونداروں کا رکارڈ درست نہیں ہے. ایسے میں خدشہ ہے کہ دکاندار کارتوسوں کی کالا بازاری بھی کر سکتے ہیں.
بریلی شہر میں بندوق، رائفل، روالور اور پسٹل کے کارتوس فروخت کرنے والی ضلع میں کل 24 دکانیں ہیں، جن میں 18 دکانیں صرف شہر میں ہیں.
ان دکونداروں سے اسلحہ رکھنے والے تمام لائسنس ہولڈر کارتوس خرید کر لے جاتے ہیں. پہلے قانون یہ تھا کہ اگر کسی شخص نے پہلی مرتبہ اسلحہ خریدا ہے تو اسے دس نئے کارتوس ملتے تھے لیکن مزید دس نئے کارتوس خریدنے کے لیے استعما شدہ کارتوس کے خالی کھوکھے دکاندار کو واپس کرنا ہوتا تھا.
اتر پردیش حکومت نے نئے قانون کے تحت یہ تبدیلی کی ہے کہ اب اگر کوئ لائسنس ہولڈر نیا اسلحہ خریدتا ہے تو اسے دس کے بجائے 100 نئے کارتوس ملیں گے.
لیکن مزید کارآمد کارتوس خریدنے کے لئے اسے کم از کم 80 استعمال شدہ کارتوس دکاندار کے پاس جمع کرنے ہونگے.
ضلع انتظامیہ کو خفیہ محکمہ نے ایسی اطلاع دی ہے کہ کچھ دکاندار کارتوسوں کی کالا بازاری کر رہے ہیں جسکے بعد انتظامیہ متحرک ہوئی اور وہ ایسے دکانداروں پر نظر بنائے ہوئے ہے جن دکانداروں نے گزشتہ تین مہینے میں سب سے زیادہ کارتوس فروخت کئے ہیں.
یوگی حکومت کے لائسنس کھولنے کے اعلان کے بعد بریلی میں تقریباً 2800 نئے فارم بھرے گئے ہیں، جن میں 2300 لائسنس صرف روالور بنوانے کے لیئے جمع کئے گئے ہیں.
