مظفر نگر: آلودگی کنٹرول بورڈ کی انڈسٹریز پر کارروائی

مظفر نگر میں آلودگی کنٹرول بورڈ نے شوگر میل سمیت دیگر گئی انڈسٹریز پر کارروائی کرتے ہوئی 2 کروڑ سے زائد کا جرمانہ عائد کیا ہے۔

اُتر پردیش کے ضلع مظفر نگر میں آلودگی کنٹرول بورڈ نے شوگر میل سمیت دیگر کئی انڈسٹریز پر کارروائی کرتے ہوئی 2 کروڑ سے زائد کا جرمانہ عائد کیا ہے۔

کورونا وبا کے دوران اُترپردیش آلودگی کنٹرول بورڈ نے ضلع انتظامیہ کو ضلع میں آلودگی کنٹرول کے لیے حکم جاری کیا تھا، جس کی بعد ضلع انتظامیہ اور آلودگی کنٹرول بورڈ نے کارروائی کرتے ہوئے مظفر نگر میں واقع 12 پیپر میلز کے ساتھ 24 انڈسٹریز پر چھاپے ماری کی اور انڈسٹریز مینیجر کے خلاف ایف آئی آر درج کی اور ضلع کی سبھی انڈسٹریز پر 2 کروڑ سے زائد کا جرمانہ عائد کیا۔

آلودگی کنٹرول بورڈ کے افسر انکت سنگھ نے مزید معلومات دیتے ہوئے بتایا کہ ہم نے بہت ساری انڈسٹریز کا جائزہ لیا اور ضلعی انتظامیہ اور پولیس انتظامیہ کے تعاون سے کئی انڈسٹریز پر چھاپہ ماری بھی کی، چھاپے ماری کے دوران جس انڈسٹریز میں ڈیفالٹر پائی گئی اس پر جرمانہ عائد کیا گیا ہے۔