وارانسی: گیانواپی مسجد معاملے میں مسلم فریق کی جانب سے قانونی پیروی کرنے والے سینیئر وکیل ایڈوکیٹ ابھے ناتھ یادو کا اتوار کی رات دیر گئے انتقال ہوگیا۔ انجمن انتظامیہ مسجد کمیٹی Anjuman Intezamiya Masjid Committee کے چیف ایڈوکیٹ ابھے ناتھ یادو کا دل کا دورہ پڑنے سے انتقال ہوا۔ موصولہ اطلاعات کے مطابق اتوار کی رات تقریباً 10:30 بجے انہیں بے چینی اور سینے میں درد محسوس ہوا، جس کے بعد اہل خانہ انہیں ہسپتال لے گئے جہاں دوران علاج ان کی موت ہوگئی۔ Abhay Nath Yadav Passed Away
واضح رہے کہ وارانسی کی مختلف عدالتوں میں چل رہے مسلم فریق کے تمام مقدمات میں ابھے ناتھ یادو پورے کیس کو مرکزی وکیل کے طور پر دیکھ رہے تھے۔ وہیں ابھے ناتھ گیانواپی کیس کا مقدمہ لڑ رہے تھے۔ ایڈوکیٹ ابھے ناتھ کی موت کی وجہ سے عدالت نے گیانواپی کیس کی سماعت کی تاریخ 4 اگست مقرر کی ہے۔ Abhay Nath Yadav Advocate Varanasi
