اترپردیش اسمبلی انتخابات میں حکمران جماعت بی جے پی کی دوبارہ واپسی پر سماجوادی پارٹی کے سینئر رہنما اعظم خاں کے فرزند عبداللہ اعظم نے اپنا ردعمل ظاہر کرتے ہوئے کہا کہ عوام کا فیصلہ انہیں قبول ہے۔SP's Abdullah Azam Khan Wins by Huge Margin
انہوں نے کہا کہ ہم غور و خوض کریں گے کہ ہم سے کہاں کمی رہ گئی، اور ہم عوام کو اپنی طرف مائل کرنے میں کہا ناکام رہے۔ انہوں نے اپنے والد اعظم خاں اپنی کامیابی پر رامپور کی عوام کا شکریہ ادا کیا۔ انہوں نے مزید کہا کہ سوار ٹانڈہ کی عوام نے ان کو پہلے سے کہیں زیادہ ووٹوں سے کامیاب بنایا ہے۔ رامپور کے ملک اور بلاسپور اسمبلی حلقہ کی نشستوں پر ہوئی شکست پر انہوں نے کہا کہ بلاسپور میں محض ساڑھے تین سو ووٹوں سے سماجوادی پارٹی کے امیدوار کی شکست ہوئی ہے۔ ہم جائزہ لیں گے کہ ووٹروں کو راغب کرنے میں کہا کمی رہ گئی۔
وہیں انہوں نے ملک اسمبلی حلقہ سے وجئے یادو کی شکست پر کہا کہ وہاں محنت بہت کی گئی تھی لیکن ہم کہیں نہ کہیں عوام کو اپنے اعتماد میں لینے میں کامیاب نہیں ہوئے۔
واضح رہے کہ رامپور کے پانچ اسمبلی حلقوں میں سے سماجوادی پارٹی تین پر کامیاب ہو سکی ہے جبکہ دو سیٹس بی جے پی کے حصہ میں آئی ہیں۔
مزید پڑھیں:Abdullah Azam On Election Campaign:'سماجوادی پارٹی رامپور کی تمام سیٹوں پر کامیابی حاصل کرے گی'
واضح رہے کہ ضلع رامپور کے عوام نے 2017 کی تاریخ کو ہی دہرا دیا ہے۔ 2017 کے اسمبلی انتخابات میں رامپور کی پانچ اسمبلی نشستوں میں سے تین پر سماجوادی پارٹی کے اعظم خاں، عبداللہ اعظم اور نصیر احمد خاں کامیاب ہوئے تھے اور دو پر بی جے پی کے بلدیو سنگھ اولکھ اور راجبالا فتح یاب ہوئی تھیں۔ اس مرتبہ بھی پانچوں امیدوار فتحیاب ہوئے ہیں۔
