معذورافراد کو عام آدمی پارٹی کی حمایت حاصل

معذور افراد ہمارے معاشرے کا حصہ ہیں، جن کو کسی بھی حال میں نظر انداز نہیں کیا جا سکتا ہے۔اسی ضمن میں معذوروں کے حقوق کے لیے عام آدمی پارٹی پیش پیش دکھ رہی ہے۔

ریاست اترپردیش کے ضلع رام پور میں عام آدمی پارٹی کے ریاستی نائب صدر فیصل لالا معذور افراد کو ساتھ لے کر ضلع ہسپتال پہنچےتاکہ انہیں جو مشکلات پیش آرہی ہیں، وہ دور ہوسکیں۔

انہوں نے خصوصی میڈیکل افسر آر کے متل اور ہڈی امراض کے ماہر ڈاکٹر ایس کے مترا سے ملاقات کی۔

انہوں نے کہا کہ معذوروں کے ساتھ ناانصافی نہیں ہونے دی جائے گی۔

عام آدمی پارٹی کے صوبائی نائب صدر فیصل خاں لالا معذور افراد کے ایک وفد کے ساتھ رامپور کے ضلع ہسپتال پہنچے۔

انہوں نے میڈیا سے بات کرتے ہوئے بتایا کہ معذور افراد کو ان کی ضرورت کے لئے آٹومیٹک رکشہ وغیرہ سے محروم کرنے کی مختلف کوششیں کی جاتی ہیں۔

بتایا جاتا ہے جن کے پاس 80 فیصد معذوری کا سرٹیفیکیٹ ہوگا اسی شخص کو آٹومیٹک رکشا فراہم کیا جائے گا۔

جب کہ شعبہ صحت کا کہنا ہے کہ 40 فیصد سے اوپر کے معذوروں کو حکومت کی تمام اسکیموں کا فائدہ دیا جائے گا۔

فیصل لالا نے کہا کہ یا تو شعبہ صحت معذوری سرٹیفکیٹ کی پرسینٹیج میں شفافیت لاکر اس کو صحیح کرے یا پھر شعبہ معذور افراد سمیت تمام حکومتی اسکیموں کا فائدہ ضلع بھر کے معذوروں کو دلائے۔

اگر ایسا نہیں ہوا تو عام آدمی پارٹی سڑکوں پر اترکر تحریک چلائے گی۔