اترپردیش میں پرتاپ گڑھ ضلع ہیڈکواٹر سے ستّر کلومیٹر کی دوری پر تھانہ ہتھگواں علاقے کے کوڑھا گاؤں میں گزشتہ 6/7 ستمبر کی شب گھر میں گھسے نوجوان کی گولی لگنے سے موت ہوگئی۔
پولیس نے گھر کے مالک کو حراست میں لے کر اس کی بندوق تحویل میں لے لی ہے۔ پولیس سپرنٹنڈنٹ انوراگ آریہ نے بتایا کہ کوڑھا گاؤں میں گزشتہ شب کرشن کمار پانڈے کے گھر میں ایک نامعلوم شخص گھس گیا تھا، جس پر انہوں نے بدمعاش سمجھ کر فائر کر دیا، گولی لگنے سے مذکورہ شخص کی جائے وقوعہ پر موت ہوگئی۔
متوفی کی شناخت وویک اپادھیائے 24 ساکن جملا موُتھانہ باگھرائے کے طور پر کی گئی۔ اہل خانہ کے بموجب متوفی کا ذہنی توازن درست نہیں تھا۔
پولیس نے کرشن کمار کو حراست میں لے کر ان کی لائسنسی بندوق تحویل میں لے لی اور لاش کو پوسٹمارٹم کے لیے ضلع ہسپتال بھیجا۔ واقعہ کی تحقیقات جاری ہے۔
