Woman Hand Over the Missing Girl to the Police: خاتون نے گمشدہ لڑکی کو بحفاظت پولیس کے حوالے کیا

نوئیڈا میں کشش نامی خاتون نے گمشدہ لڑکی کو اپنے پاس حفاظت سے رکھا، اس کی دیکھ بھال کی اور بعد میں اسے پولیس کے حوالے کیا۔ ڈی سی پی نوئیڈا نے کشش کی تعریف کی۔ A woman handed over the missing girl to the police

اتر پردیش: نوئیڈا کی رہنے والی کشش کماری کو ڈی سی پی نوئیڈا راجیش ایس نے اعزاز سے نوازا ہے کیوں کہ خاتون نے ایک گمشدہ بچی کو بحفاظت پولیس کے حوالے کیا۔ ڈی سی پی نے بتایا کہ کشش نے ڈھائی سالہ لاوارث بچی کی حفاظت کی اور پھر اسے پولیس کے حوالے کیا تاکہ بچی اپنے والدین کے پاس پہنچ سکے۔ ڈی سی پی نے بتایا کہ انہیں ڈھائی سالہ بچی کے گُم ہونے کی شکایت موصول ہوئی تھی۔ اس کے فوراً بعد لڑکی کی تلاش کے لیے ٹیم تشکیل دی گئی۔ سی سی ٹی وی کی بنیاد پر ہم لڑکی کے پاس پہنچے، جو کشش کے پاس موجود تھی۔

کشش نے بتایا کہ رات تقریباً 9.30 بجے اس نے واٹر پلانٹ کے پاس ایک لڑکی کے رونے کی آواز سنی، لڑکی بولنے سے قاصر تھی، آس پاس موجود لوگوں کے بارے میں پوچھا تو سبھی نے اسے پہچاننے سے انکار کیا۔ چنانچہ میں اسے اپنے گھر لے آئی اور رات بھر اس کی دیکھ بھال کے بعد صبح اسے پولیس کے حوالے کر دیا۔