Noida Police Brutally Thrashes Youth نوئیڈا پولیس کا نوجوان کو بے رحمی سے پیٹنے کا ویڈیو وائرل

نوئیڈ اور اس کے قرب وجوار کے علاقوں میں ایک ویڈیو سوشل میڈیا پر تیزی سے وائرل ہورہا ہے جس میں دو پولیس اہلکار ایک نوجوان کی بے رحمی سے پٹائی کر رہے ہیں، نوجوان درد کی وجہ سے زور زور سے چیخ رہا ہے لیکن پولیس اہلکار مسلسل اس کی پٹائی کر رہے ہیں۔Noida police officer brutally thrash youth

نوئیڈا: ریاست اترپردیش کے شہر نوئیڈا پولیس کا ایک ویڈیو وائرل ہو رہا ہے جس میں دو اہلکار ایک نوجوان کی بے رحمی سے پٹائی کر رہے ہیں۔Noida police officer brutally thrash youth ذرائع سے ملی اطلاع کے مطابق یہ معاملہ نوئیڈا کے سیکٹر 142 کا بتایا جا رہا ہے۔ جہاں ویڈیو میں واضح طور پر دیکھا جا سکتا ہے کہ ایک پولیس اہلکار وردی میں ہے جبکہ دوسرا پولیس اہلکار بغیر وردی کے نوجوان کو دونوں ہاتھوں سے پیٹ رہے ہیں۔ نوجوان درد کی شدت کی وجہ سے چیخ رہا ہے ،نوجوان پولیس اہلکار سے اس کی پٹائی نہ کر نے کی درخواست کر رہا ہے، لیکن پولیس اہلکار مسلسل اس کی پٹائی کر رہے ہیں۔ یہ ویڈیو پولیس کے برتاؤ پر سوالیہ نشان اٹھاتا ہے۔

گوتم بودھ نگر پولس میڈیا انچارج نے بتایا کہ ابھی تک متاثرہ نوجوان کی جانب سے کوئی اطلاع یا شکایت درج نہیں کی گئی ہے، لیکن پولس خود اس ویڈیو کے وائرل ہونے کا نوٹس لے کر تحقیقات کررہی ہے۔بتایا جارہا ہے کہ یہ ویڈیو پرانا ہے اور جس نوجوان کی پٹائی کی جارہی ہے وہ لوٹ کی واردات میں پکڑا گیا تھا۔ ویڈیو سوشل میڈیا پر وائرل ہونے کے بعد نوئیڈا پولیس کے کام کرنے کے انداز پر سوال اٹھ رہے ہیں۔ (ای ٹی وی بھارت اس ویڈیو کی تصدیق نہیں کرتا)