اترپردیش حکومت کی مشن شکتی مہم کے تحت ضلع کی خواتین کو خود کفیل اور خود انحصار بنانے کے لئے ضلع سطح پر کوششیں جاری ہیں۔
اسی ضمن میں نوئیڈا کے وکاس بھون کے آڈیٹوریم میں نیشنل ویمن سیلف ہیلپ گروپ کی خواتین ممبران اور گروپ بیئرس کی ضلع مجسٹریٹ سہاس ایل وائی کی زیر صدارت ایک اہم پروگرام کا انعقاد کیا گیا۔
خواتین سیلف ہیلپ گروپ کی ممبران کو خود انحصار کرنے کے غرض سے ایک اور نئی ذمہ داری سونپی گئی ہے، دیہی علاقوں میں تعمیر کیے گئے 63 کمیونٹی ٹوائلٹ کے آپریشن اور انتظام کے سلسلے میں گروپ سکھیوں کو سرٹیفکیٹ پیش کیے گئے۔
اس موقع پر ڈسٹرکٹ مجسٹریٹ سہاس ایل وائی نے اپنے خطاب میں کہا کہ حکومت ہند اور اترپردیش حکومت خواتین کو بااختیار بنانے اور انہیں خود انحصار کرنے کے لئے پرعزم ہے اور اس مقصد کے ساتھ کہ قومی سیلف ہیلپ گروپ کی خواتین ممبرز کو زیادہ خودمختار بنایا جائے، ان کو نئی ذمہ داریاں دی جارہی ہیں تاکہ وہ اپنی آمدنی میں اضافہ کرکے خود کفیل ہوسکیں۔
انہوں نے کہا کہ ہمارے ملک میں خواتین کو شکتی کے نام سے جانا جاتا ہے اور جس معاشرے میں خواتین کو بااختیار بنایا جائے گا وہ خود بخود معاشرے کے ذریعہ بااختیار ہوجائے گی۔
انہوں نے کہا کہ آج گروپ سکھیوں کو دیہی علاقوں میں تعمیر کئے گئے کمیونٹی ٹوائلٹ کی دیکھ بھال اور انتظام کی ذمہ داری سونپی جارہی ہے، جس کے ذریعے گروپ ممبران کی آمدنی میں اضافہ ہو گا نیز ضلع میں تعمیر کیے گئے کمیونٹی ٹوائلٹ اور عام شہریوں کو دیہی علاقوں میں تعمیر کیے گئے کمیونٹی ٹوائلٹ کا فائدہ ملے گا۔
انہوں نے مزید بتایا کہ اس ذمہ داری کے لئے انہیں 9000 ماہانہ کی شرح سے اعزازی رقم بھی دی جائے گی، جس سے خواتین سیلف ہیلپ گروپ کی آمدنی میں بھی اضافہ ہوگا اور خود کفیل بھی ہوجائیں گی۔
پروگرام میں ڈسٹرکٹ ڈویلپمنٹ آفیسر انور شیخ، ڈسٹرکٹ پنچایت راج آفیسر کنور سنگھ یادو، ڈسٹرکٹ سوشل ویلفیئر آفیسر ایس بی سنگھ، ڈسٹرکٹ ارتھ اینڈ سٹیٹسٹکس آفیسر ہیمنت کمار، بلاک ڈویلپمنٹ آفیسر نیہا سنگھ اور دیگر متعلقہ افسران نیز خواتین سیلف ہیلپ گروپز کی خواتین ممبران نے شرکت کی۔
