ریاست اتر پردیش کے مظفر نگر ضلع میں کڑاکے کی سردی نے اس وقت افرا تفری پیدا کر دی جب کہ سڑک کے کنارے کتے کے ساتھ سوتے نابالغ بچے کی تصویر وائرل ہوئی۔
ذرائع کے مطابق دس برس کے انکت گذشتہ کچھ دنوں سے تھانہ نگر کوتوالی کے علاقے شیو چوک کے ارد گرد دیکھا جا رہا تھا۔
انکت چائے بیچنے والے کے ساتھ کام کرتا ہے۔
وہ کام کرکے اپنا اور اپنے کتے کا پیٹ بھرتا ہے۔
کتے کے ساتھ انکت کی تصویر وائرل ہونے کے بعد پولیس ڈیپارٹمنٹ میں بھی افرا تفری پیدا ہوگئی۔
مزید پڑھیں:سہارنپور: حاملہ خاتون کی موت، ڈاکٹرز پر لاپرواہی کا الزام
اس کے بعد ایس ایس پی نے تھانہ انچارج کو انکت کو پڑھانے لکھانے کے ساتھ ساتھ اس کے کپڑے اور کھانے کا بھی انتظام کرنے کا حکم دیا ہے۔
اس کے بعد بچے کو چلڈرن ویلفیئر کمیٹی کے حوالے کردیا گیا۔
اس سلسلے میں سی او سٹی کلدیپ سنگھ نے کہا کہ ایس ایس پی سر کی ہدایت کے مطابق تمام سرکاری اسکیموں کا فائدہ بچے کو دیا جا رہا ہے اور محکمہ پولیس کی طرف سے بچے کو پڑھنے لکھنے کا عمل بھی جاری رہے گا۔
انھوں نے کہا کہ کتے کے ساتھ سوئے ہوئے بچے انکت سے بات کی تو انھوں نے بتایا کہ اس کے والد جیل میں ہیں اور ماں اسے چھوڑ کر کہیں چلی گئی ہے۔ اس کے بعد سے وہ بےگھر ہو گیا ہے، وہ اپنے کتے کے ساتھ رہتا ہے، سوتا ہے اور کھاتا پیتا ہے۔
