چوری کا سامان خریدنے پر میکانک گرفتار

ریاست اتر پردیش کے ضلع بارہ بنکی میں چوروں سے بائیک خریدنے والے بائیک میکانک کو پولیس نے گرفتار کر لیا۔

میکانک چوروں سے سستی قیمت پر بائیکس خریدتا تھا، پھر ان کے پارٹس دوسری گاڑیوں میں لگا دیا کرتا تھا۔ قبل ازیں پولیس نے اس میکانک پر 25 ہزار روپے کے انعام کا اعلان کیا تھا۔

دراصل پولیس نے 16 اگست کو کرسی تھانہ حلقے میں بائیک چور گروہ کا انکشاف کیا تھا۔ پولیس کی پوچھ گچھ میں چوروں نے اعتراف کیا تھا کہ وہ چوری کی بائیکس کو عمران نامی میکانک کو فروخت کرتے تھے۔عمران کا تعلق کرسی تھانہ حلقے کے سدواہی علاقہ سے ہے اور ماتی دیوا روڈ پر اس کا گیریج ہے۔ آج صبح پولیس نے عمران کو جبری موڑ سے گرفتار کرلیا اور اس کے قبضہ سے 6 بائیکس کو برآمد کیا ہے۔