ذرائع کے مطابق بہرائچ کے کترنیا گھاٹ جنگل کے قریب گاؤں ڈلّا پوروا میں آج چھ بچے کھیت میں بنے مچان پر کھیل رہے تھے، جبکہ ایک بچہ مچان کے نیچے کھیل رہا تھا، تبھی جنگل کی جانب سے ایک تیندوے نے مچان کے نیچے کھیل رہے تین سالہ وکلپ نامی بچے پر حملہ کر دیا۔
معالے کو دیکھ مچان کے اوپر کھیل وکلپ کے بھائی بہن نے شور مچانا شروع کر دیا ، بچوں کی آواز سن گاؤں والے تیندوے کے جانب دوڑے ، لوگوں کو آتا دیکھ کر تیندوے نے بچے کو چھوڑ کر جنگل میں چلا گیا۔
تیندوے کے حملے سے بچہ شدید طور پر زخمی ہو گیا تھا جس سے اس کی موقع پر ہی موت ہو گئی۔
واقعے کی اطلاع ملنے پر فاریسٹ آفیسر راشد جمیل جائے وقوع پر پہنچے اور تیندوے کے حملے سے بچے کی موت کی تصدیق کی ، لاش کو پوسٹ مارٹم کے لئے ہسپتال روانہ کر دیا۔
اس دوران ڈبلیو ڈبلیو ایف کے ذریعہ ہلاک شدگان کے اہل خانہ کو 10 ہزار روپے مالی امداد کے طور پر دیئے گئے ہیں۔
وہیں دوسری جانب جنگل میں گشت کر رہے مرتیہا کوتوالی تھانہ کے دو پولیس اہلکاروں پر بھی تندوے نے حملہ کرکے زخمی کر دیا ، دونوں زخمی پولیس اہلکاروں کو مقامی ڈاکٹر سے ابتدائی طبی امداد دی گئی-
جنگل کے قریب آبادی والے علاقے میں مقیم عوام کا کہنا ہے کہ جنگلی جانوروں کے حملے سے وہاں قیام پذیر لوگوں میں خوف کا ماحول ہے ۔
