ریاست اترپردیش کے ضلع آگرہ کے ایک وکیل نے اداکارہ کنگنا راناوت کے خلاف غدار وطن کا مقدمہ درج کرنے کے لئے عدالت میں درخواست دی ہے، عدالت میں پیش درخواست کی سماعت 6 اکتوبر کو ہوگی۔
اداکارہ کنگنا راناوت کی مشکلات میں مسلسل اضافہ ہوتا جارہا ہے، ضلع کے ایک وکیل نریندر سونی نے اداکارہ کنگنا رناوت کے خلاف غدار وطن کا مقدمہ درج کرنے کے لئے سی جے ایم عدالت میں درخواست دی ہے، وکلا نے کنگنا راناوت کے ایک ٹویٹ کو اس کیس کی بنیاد بنایا ہے۔
سی جے ایم عدالت میں کنگنا راناوت کے خلاف پیش درخواست کی سماعت 6 اکتوبر کو ہوگی، سی جے ایم عدالت میں ایڈووکیٹ نریندر سونی کے ذریعہ دی گئی درخواست میں کہا گیا ہے کہ 27 اگست کو اداکارہ کنگنا راناوت نے اپنے ٹویٹر اکاؤنٹ سے ٹویٹ کیا تھا، جس میں لکھا تھا کہ 'جدید بھارتیوں نے ذات پات کے نظام کو مسترد کردیا ہے'۔
''چھوٹے شہروں میں سب جانتے ہیں کہ قانون کے تحت یہ قابل قبول نہیں ہے، پھر بھی یہ کچھ لوگوں کو خوش کرنے کا ایک شرمناک طریقہ ہے، صرف ہمارے آئین نے اسے تحفظ کے طور پر برقرار رکھا ہے۔''
وکیل نریندر سونی کا کہنا ہے کہ اداکارہ کنگنا راناوت کا یہ ٹویٹ آئین اور ذات پات کے مخصوص جذبات پر ان کے عدم اعتماد کو بھڑکانے والا ہے لہذا ان کے خلاف غدار وطن کا مقدمہ درج کیا جانا چاہئے، سی جے ایم عدالت میں دی گئی درخواست پر 6 اکتوبر کو سماعت ہونی ہے۔
