ریاست اترپردیش کے ضلع امروہہ کے حسن پور کوتوالی علاقے کی ایک کالونی میں دیوالی کی رات جوتا تاجر کے گھر داخل ہوئے بدمعاشوں نے تاجر کے گھر لوٹ کو انجام دیا۔
جوتوں کے تاجر اروند کمار کو لوٹ کی مخالفت کرنے پر شرپسند نے گولی مار کر زخمی کر دیا، ساتھ ہی مالک مکان کے بھائی پورن کو بھی شدید زخمی کردیا۔
اس کے بعد بدمعاش دو لاکھ روپے نقدی اور سونے کے زیور لے کر فرار ہوگئے۔ کیس کے بارے میں اطلاع ملنے پر پولیس کے اعلی عہدیداروں نے موقع کا دورہ کیا اور زخمیوں کو ہائر سینٹر ریفر کردیا گیا۔
متاثرہ اوماوتی نے بتایا کہ شرپسندوں نے دو لاکھ روپے سمیت سونے کا کنڈل لوٹ لیا ہے۔ انہوں نے بتایا کہ پانچ کے قریب شرپسندوں نے اس کے گھر میں لوٹ کی ہے۔
لوٹ کی اطلاع ملتے ہی علاقے میں سنسنی پھیل گئی۔ آئی جی مرادآباد رامیت شرما نے سپرنٹنڈنٹ پولیس وپن ٹنڈا، ایڈیشنل سپرنٹنڈنٹ پولیس اجے پرتاپ سنگھ کے ساتھ موقع واردات کا معائنہ کیا۔
امروہہ کے پولیس سپرنٹنڈنٹ وپن ٹنڈا نے بتایا کہ حسن پور کوتوالی میں پانچ نامعلوم شرپسندوں کے خلاف مقدمہ درج کرلیا گیا ہے اور واردات کو بے نقاب کرنے کے لئے پولیس کی پانچ ٹیمیں تشکیل دی گئی ہیں اور جلد ہی ملزم گرفتار کر لیے جائیں گے۔
