پولیس نے بتایا کہ اسپیشل ٹاسک فورس(ایس ٹی ایف) اور رانی گنج پولیس نے چوہرجن دیوی دھام کے نزدیک جنگل میں ہوئی تصادم میں ’کچھا بنیان گروہ‘ کے 50 ہزار روپئے کے انعامی بدمعاش ساجد عرف پتیلا ولد بھورا کو مار گرایا ہے۔ مارے گئے بدمعاش کے قبضے سے ایک پستول، ایک طمنچہ،ایک بندوق اور بھاری مقدار میں کارتوس برآمد کیا گیا ہے۔
انہوں نے بتایا کہ تصادم میں مارا گیا ساجد قصائی ٹولہ بدھونا تھانہ کوتوالی ضلع قنوج کا رہنے والا تھا۔ رات میں تصادم کے دوران اس کے ساتھی فرار ہونے میں کامیاب ہوگئے۔
ساجد پرتاپ گڑھ ضلع کے تہرے قتل کی واردات کے علاوہ اترپردیش کے مختلف اضلاع میں قتل و لوٹ کے معاملات میں پولیس کو مطلوب تھا۔ اس پر 15 سے زیادہ مقدمے درج ہیں۔ پرتاپ گڑھ نے اس پر 50 ہزار روپئے کے انعام کا اعلان کیا گیا تھا۔
