ریاست اترپردیش کے ضلع رامپور میں پولیس نے کارروائی کرتے ہوئے 545 لیٹر غیرقانونی شراب ضبط کیا ہے۔ اس کے علاوہ 21 ملزمین کو جیل بھیجا ہے۔
رامپور کے پولیس کپتان شگن گوتم کے ذریعہ ضلع میں شراب بنانے اور فروخت کرنے والوں کے خلاف مہم شروع کی ہے۔ اس کے تحت پولیس نے مختلف علاقوں میں کارروائی کرتے ہوئے دفعہ 60 ایکٹ کے تحت کاروائی کی ہے۔
بتایا گیا ہے کہ تھانہ ملک پولیس نے پانچ لوگوں کو گرفتار کرکے ان کے قبضہ سے 125 لیٹر غیرقانونی شراب برآمد کی۔
تھانہ ملک پولیس نے دو افراد کو 120 لیٹر شراب کے ساتھ گرفتار کیا۔
تھانہ بلاسپور پولیس نے چار لوگوں کو 120 لیٹر شراب کے ساتھ اور تھانہ سول لائن پولیس نے پانچ افراد کو 80 لیٹر شراب کے ساتھ گرفتار کیا۔
مزید پڑھیں: رامپور: ذہنی طور پر معذور شخص کو ہسپتال پہنچایا گیا
اسی طرح تھانہ پٹواری پولیس نے ایک شخص کو 40 لیٹر شراب اور تھانہ کھجوریہ پولیس نے ایک شخص کو بیس لیٹر غیرقانونی شراب کے ساتھ گرفتار کرکے ان کے خلاف کاروائی کی ہے۔
