آگرہ۔لکھنو ایکسپریس وے پر بس حادثہ، 50 مسافر زخمی

اترپردیش کے ضلع مین پوری کے کرہل علاقے میں کٹھپھوری کے نزدیک آگرہ۔لکھنو ایکسپریس وے پر دہلی سے بہار جارہی ایک پرائیویٹ بس ڈیوائیڈر سے ٹکرا کر پلٹ جانے سے اس میں سوار 50مسافر زخمی ہوگئے۔

وزیر اعلی یوگی آدتیہ ناتھ نے اس حادثے کے بعد متعلقہ افسران کو متاثرین کے لئے فوران راحت رسائی کا کام شروع کرنے کی ہدایت دی ہے۔

پولیس ذرائع کے مطابق آگرہ لکھنو ایکسپریس وے پر کرہل علاقے میں نورمئی کے سامنے سنگ میل 82کےنزدیک رات تقریبا پونے دو بجے ڈرائیور کو جھپکی آنے کی وجہ سے بس بے قابو ہوکر ڈیوائیڈر سے ٹکرا کر پلٹ گئی۔ اس حادثے میں 50سے زیادہ مسافر زخمی ہوگئے۔ اطلاع پر موقع پر پہنچی پولیس نےزخمیوں کو سیفئی میڈیکل یونیورسٹی بھیج دیا گیا ہے۔ بس میں 75مسافر سوار تھے۔

اس درمیان سیفئی میڈیکل کالج کے وائس چانسلر پروفیسٹر رما کانت یادو نے بتایا کہ بس حادثے میں شدید طور سے زخمی 22مسافروں کا علاج یہاں کرایا جارہا ہے جبکہ دیگر زخمیوں کو مقامی اسپتال میں داخل کرایا گیا ہے۔ زخمیوں میں 6مسافروں کی حالت نازک ہے۔

یواین آئی۔