Atiq And Ashraf Murder Case عتیق اور اشرف کے قتل معاملے میں پانچ پولیس افسران معطل

عتیق اور اشرف کے قتل کے معاملے میں پانچ پولیس افسران کو معطل کر دیا گیا ہے۔ بتایا جارہا ہے کہ معطل ہونے والوں میں شاہ گنج پولیس کے سینئر افسر اشونی کمار سنگھ، دو انسپکٹر اور دو کانسٹیبل شامل ہیں۔ Five UP Policemen Suspended

پریاگ راج: ریاست اتر پردیش کے پریاگ راج میں 15 اپریل کو سابق رکن پارلیمان عتیق احمد اور ان کے بھائی اشرف کے قتل کے معاملے میں پانچ پولیس افسران کو معطل کر دیا گیا ہے۔ معطل ہونے والوں میں شاہ گنج پولیس کے سینئر افسر اشونی کمار سنگھ، دو انسپکٹر اور دو کانسٹیبل شامل ہیں۔ قتل کی تحقیقات کرنے والی اسپیشل انویسٹی گیشن ٹیم (ایس آئی ٹی) نے کل پولیس والوں سے پوچھ گچھ کی۔ مذکورہ پانچ پولیس اہلکار شاہ گنج پولیس اسٹیشن میں تعینات تھے۔ وہ میڈیکل کالج جہاں احمد اور اس کے بھائی کو قتل کیا گیا تھا وہ شاہ گنج پولیس کے دائرہ اختیار میں آتا ہے۔

سابق ایم پی اور ان کے بھائی کو تین افراد نے گولی مار کر ہلاک کر دیا، پولیس نے ان کی شناخت لولیش تیواری، سنی سنگھ اور ارون موریہ کے طور پر کی ہے۔ وہ صحافی بن کر آئے اور عتیق احمد اور ان کے بھائی کو اس وقت گولی مار دی جب وہ پریاگ راج میں صحافیوں سے بات کر رہے تھے۔ اس سے پہلے آج قاتلوں کو پریاگ راج کی ایک عدالت نے چار دن کی پولیس حراست میں بھیج دیا ۔ تینوں کو 23 اپریل کو دوبارہ عدالت میں پیش کیا جائے گا۔ خصوصی تحقیقاتی ٹیم نے تینوں افراد کے بیانات ریکارڈ کیے اور تفتیش کے حصے کے طور پر جائے وقوعہ کو ریکریٹ کریں گے۔

بتادیں کہ سپریم کورٹ نے منگل کو عتیق احمد اور ان کے بھائی اشرف کے قتل کی آزادانہ تحقیقات کا مطالبہ کرنے والی درخواست پر سماعت کرنے پر اتفاق کیا۔ سپریم کورٹ کے ریٹائرڈ جج کی سربراہی میں درخواست کی سماعت 24 اپریل کو ہوگی۔