مسجد کے لیےزمین ایودھیا سے 18 کلو میٹر دور دینے کا فیصلہ

اتر پردیش کابینہ نے ایک اہم فیصلہ لیا ہے، جس میں سنی وقف بورڈ کو ایودھیا میں مسجد کی تعمیر کے لئے پانچ ایکڑ زمین شہر سے 18 کلو میٹردور دینے کی بات کہی گئی ہے۔

لوک سبھا میں وزیر اعظم نریندر مودی نے کہا کہ ہم نے ایودھیا میں رام مندر کی ترقی کے لئے منصوبہ بنایا ہے۔

اس کے بعد اتر پردیش کی کابینہ نے ایک اہم فیصلہ لیا ہے کہ ایودھیا میں مسجد کی تعمیر کے لئے پانچ ایکڑ زمین سنی وقف بورڈ کو دی جائے گی۔

غور طلب ہے کہ ایودھیا سے لکھنؤ جانے والی شاہراہ پر سوہاول تحصیل کے گھنی پور گاؤں میں 5 ایکڑ زمین دینے کا فیصلہ کیا گیا ہے۔ یہ جگہ ایودھیا سے 18 کلومیٹر دور ہے۔