ریاست اترپردیش کے فیروز آباد شہر میں واٹس ایپ گروپ میں وزیر اعظم نریندر مودی اور مرکزی وزیر داخلہ امت شاہ سے متعلق ایک قابل اعتراض پوسٹ کرنے کے الزام میں چار افراد کے خلاف مقدمہ درج کیا گیا ہے۔
پولیس کے مطابق ان کے خلاف انفارمیشن ٹکنالوجی ایکٹ کے تحت مقدمہ درج کیا گیا ہے۔یہ افراد حضرات گنج میں آرڈیننس آلات کی فیکٹری میں کام کرتے ہیں۔
پولیس سپرنٹنڈنٹ (سٹی) مکیش چندر مشرا نے بتایا کہ بی جے پی کے ایک مقامی رہنما ستیندر گپتا کی جانب سے درج شکایت پر مقدمہ درج کیا گیا۔
قابل ذکر ہے کہ ستیندر گپتا پارٹی کے ٹنڈلا یونٹ کے سابق صدر ہیں۔
مکیش چندر مشرا نے کہا کہ حضرت پور میں آرڈیننس آلات فیکٹری میں کام کرنے والے چار افراد کے خلاف سائبر کرائم کا مقدمہ درج کیا گیا۔ یہ معاملہ آئی ٹی ایکٹ کے تحت درج کیا گیا ہے۔
انہوں نے مزید کہا کہ اس معاملے کی مکمل تحقیقات کی جارہی ہیں۔ اس بات کی بھی تحقیقات کی جارہی ہیں کہ قابل اعتراض پوسٹ کہاں سے آئی ہے ، اور اسے آگے کیسے شیر گیا ہے۔ اگر تحقیقات میں ان کے کردار کی تصدیق ہوجاتی ہے تو انہیں بھی گرفتار کرلیا جائے گا۔
