شاملی: 40 لاکھ کی اسمیک برآمد، 3 گرفتار

شاملی کے کیرانہ علاقے سے ،ایس ٹی ایف، نے تین اسمگلروں کو گرفتار کر کے ان کے قبضے سے 416 گرام اسمیک برآمد کی ہے

اترپردیش پولیس کی اسپیشل ٹاسک فورس(ایس ٹی ایف)نے بدھ کو شاملی کے کیرانہ علاقے سے تین اسمگلروں کو گرفتار کر کے ان کے قبضے سے 416 گرام اسمیک برآمد کی ہے۔ برآمد اسمیک کی قیمت 40 لاکھ روپئے بتائی جاتی ہے۔

شاملی: 40 لاکھ کی اسمیک برآمد، 3 گرفتار

انسپکٹر جنرل آف پولیس(ایس ٹی ایف) امیتابھ یش نے بتایا کہ ایس ٹی ایف میرٹھ کی فیلڈ اکائی نے شاملی کے کیرانہ علاقے سے منشیات کی اسمگلنگ کرنے والے ریاستی گینگ کے تین اراکین کو گرفتار کر کے ان کے قبضے سے 416 گرام اسمیک برآمد کیا ہے۔انہوں نے بتایا کہ گرفتار ملزمین میں راجستھان کے جھالا واڑ ضلع کے گونگن باشندہ دلے سنگھ ،اتراکھنڈر کے ہریدوار باشندہ سلطان اور شاملی کے کیرانہ باشندہ دین محمد شامل ہیں۔ یش نے بتایا کہ ان کے قبضے سے تین موبائل فون،ایک موٹر سائیکل اور دیگر اشیاء برآمد کی گئی ہیں۔