ریاست اترپردیش کے دارالحکومت لکھنؤ میں محکمہ صحت نے کورونا وائرس سے متاثرہ مریضوں کے بارے میں نئی تفصیلات جاری کی ہے۔
محکمہ صحت کے مطابق اب کوروناوائرس انفیکشن کے 27 نئے معاملات کے ساتھ کورونا وائرس سے متاثرہ مریضوں کی تعداد اب 3909 سے بڑھ کر 4084 تک پہنچ گئی ہے جبکہ 95 افراد اب تک ہلاک ہوچکے ہیں، تاہم 2165 مریض صحتیاب ہوکر جاچکے ہیں۔
کنگ جارج میڈیکل یونیورسٹی (کے جی ایم یو)نے جمعے کو 1293 کوروناوائرس کے نمونوں کی جانچ کی ہے جس میں 27 نئے معاملات سامنے آئے ہیں، ان مریضوں میں 10 لکھنؤ، پانچ لکھیم پور کھیری، سات ہردوئی، پانچ فرخ آباد سے ہیں۔
لکھنؤ سے سامنے آئے مریضوں میں سے سات مرد تین خواتین، لکھیم پور کھیری کے تمام مرد، ہردوئی میں چھ مرد ایک عورت جبکہ فرخ آباد سےسامنے آئے مریضوں میں سبھی مرد ہیں۔
واضح رہے کہ ان تمام کو کوروناوائرس کے ہسپتال میں داخل کرکے علاج کیا جارہا ہے۔
واضح رہے کہ اترپردیش کے گذشتہ 24 گھنٹوں میں کورونا وائرس کے 27 نئے متاثرین کی تصدیق کے ساتھ ریاست میں مجموعی طور سے مصدقہ مریضوں کی تعداد 4084 پہنچ گئی، جن میں سے ابھی تک 95 افراد ہلاک ہوچکے ہیں۔
ریاست بھر میں کوانٹین کیے گئے مریضوں کی تعداد 9979 ہے، اس کے ساتھ ہی 1936 مریضوں کو آئی سولیشن وارڈ میں رکھا گیا ہے، جبکہ 2165 میں متاثرہ کوروناوائرس کے مریض صحتیاب ہوچکے ہیں، تاہم اب تک 95 افراد کی موت ہوچکی ہے۔
واضح رہے کہ پرنسپل سکریٹری(صحت) امت موہن پرساد نے میڈیا نمائندوں کو بتایا تھا کہ ریاست میں متاثرہ 63 اضلاع میں سے سات اضلاع میں اس وقت کوئی بھی ایکٹیو کیس نہیں تھا۔
خیال رہے کہ شہر گورکھپور اور پیلی بھیت کو اب تک کورونا وائرس سے پاک اضلاع شمار کیا جاتا تھا، لیکن اب کورونا وارئرس نے وہاں بھی دستک دے دی ہے۔
محکمہ صحت کے ڈائریکٹر جنرل ڈاکٹر رکم کیش نے بتایا کہ گذشتہ 24 گھنٹوں کے دوران 27 نئے مریضوں میں کورونا وائرس کے انفیکشن کی تصدیق ہوئی ہے، جس کے بعد ریاست میں اب کورونا سے متاثرہ مریضوں کی تعداد اب 4084 ہوگئی ہے۔
