اترپردیس کے ضلع نوئیڈا میں کورونا کے کیسز میں مسلسل اضافہ ہورہا ہے اس وبا نے پورے گوتم بدھ نگر کو اپنی گھیرے میں لے لیا ہے، حکومت اور انتظامیہ کی جانب سے تمام حکمت عملی اور دعوے صفر ثابت ہو رہے ہیں۔
ویڈیو
گوتم بودھ نگر کے ضلع مانیٹرنگ آفیسر ڈاکٹر سنیل دہرہ کے مطابق ضلع میں کورونا کے 1761 نئے مریض سامنے آئے ہیں۔ جبکہ11 لوگوں کی اموات بھی ہوئی ہے۔ جس سے اموات کی مجموعی تعداد بڑھ کر 261 ہوگئی ہے۔ پچھلے 24 گھنٹوں کے دوران 1670 افراد صحت یاب بھی ہوئے ہیں۔
200 سے زائد پولیس اہلکار، نوئیڈا اتھارٹی کے 60 سے زائد ملازمین، یمنا اتھارٹی اور گریٹر نوئیڈا اتھارٹی کے سیکڑوں ملازمین اور افسران کورونا وبا سے متاثر ہیں۔ جن کا علاج شہر کے مختلف ہسپتال، قرنطینہ مراکز میں کیا جا رہا ہے۔
