اترپردیش میں آہستہ آہستہ کورونا وائرس کا قہر بڑھتا جا رہا ہے۔ اس ضمن میں دارالحکومت لکھنؤ کے کے جی ایم یو میں ریاست سے کچھ مشتبہ لوگوں کے سیمپل آئے تھے۔ ان سبھی کی جانچ کے جی ایم یو کی مائیکرولوجی لیب میں ہوئی۔ وہیں اس وقت کورونا وائرس سے متاثرہ افراد کی تعداد 174 ہو چکی ہے۔ لکھنؤ میں کورونا وائرس سے متاثر ہونے والے افراد کی تعداد 34 ہے۔
خیال رہے کہ دنیا بھر میں کورونا وائرس سے اب تک دس لاکھ سے زائد افراد متاثر ہیں۔ کورونا وائرس سے دنیا بھر میں 55 ہزار سے زائد افراد ہلاک ہو چکے ہیں۔ دنیا بھر میں کورونا وائرس سے متاثر افراد میں سے تقریبا دو لاکھ افراد ٹھیک ہو چکے ہیں۔
بھارت میں کورونا وائرس سے ڈھائی ہزار سے زائد افراد متاثر ہیں، جبکہ بھارت میں کورونا وائرس سے ہلاک ہونے والوں کی تعداد 71 ہو چکی ہے۔ کورونا وائرس سے متاثر افراد میں سے 190 ٹھیک ہو چکے ہیں۔
