نوئیڈا: اتر پردیش کے ضلع نوئیڈا میں تین ماہ بعد آج 170 افراد میں کورونا کی تصدیق ہوئی۔ اس سے قبل 5 فروری کو 233 کورونا کے معاملے درج ہوئے تھے، ریاستی محکمہ صحت کی جانب جاری رپورٹ کے مطابق 24 گھنٹوں میں 130 لوگ کورونا سے صحتیاب ہوئے ہیں۔ اس کے ساتھ ہی ضلع میں کورونا سے صحت یاب ہونے والوں کی تعداد 99,557 ہو گئی ہے جب کہ ایکٹو کیسز کی تعداد 741 ہے۔ Corona New Cases in Noida
ریاست میں نئے اور فعال معاملے میں ضلع مسلسل پہلے نمبر پر ہے۔ ریاست میں آج 335 نئے مریض پائے گئے۔ ان میں سے آدھے سے زیادہ گوتم بدھ نگر سے ہیں۔ غازی آباد میں کل 74 کیسز کی تصدیق ہوئی ہے جو کہ دوسرے نمبر پر ہے۔ ساتھ ہی غازی آباد میں ایکٹو کیسز کی تعداد 348 ہے۔Corona New Cases in Noida
سرکاری اسپتالوں میں آج 1077 افراد کو کوویڈ ویکسین لگایا گیا ہے ان میں سے 12 سے 14 سال کے 105 افراد کو پہلی اور 439 کو دوسری خوراک دی گئی ہے جبکہ 15 سے 17 سال کے 37 افراد کو پہلی اور 39 کو دوسری، 18 سے 59 سال کے 110 افراد کو پہلی اور 243 کو دوسری خوراک دی گئی ہے۔
