ریاست اتر پردیش کے ضلع بریلی کے تقریبا ڈیڑھ سو مزدور ہماچل پردیش میں ابھی بھی پھنسے ہوئے ہیں۔
جہاں انہیں لاک ڈاؤن کی وجہ سے ایک مہینہ گزارنے کے بعد بھی کام نہیں مل رہا ہے۔ سبھی اپنے گھروں کو لوٹنے کے لئے ریاستی حکومت کے منتظر ہیں۔
ہماچل پردیش میں پھنسے ہوئے تحصیل میر گنج کے قریب 50 مزدور ہیں۔ میر گنج کے گاؤں سروہی انگد پور کے رہائشی روی پرکاش، وکاس، امر سنگھ، سندر لال نریش کمار، گنیشی لال، بھنور کلی وغیرہ نے بتایا کہ 'ہم اپنے اہل خانہ کے ساتھ ہماچل کے بنکھنڈی میں پھنسے ہوئے ہیں۔'
گھر واپس جانے کے لئے انہوں نے علاقائی رکن اسمبلی ڈاکٹر ڈی سی ورما اور مرکزی وزیر سنتوش گنگوار سے درخواست کی ہے۔
اس کے علاوہ اور بھی بہت سارے افراد ہیں۔ جنہیں اب وہاں رہ کر پیٹ بھرنا مشکل ہوگیا ہے
