حضرت ملنگ شاہ رحمۃ اللہ علیہ کا مزار بنارس میں گنگا جمنی تہذیب کا سنگم ہے، جہاں پر بلاتفریق ملت ومذہب عوام اپنی حاجتیں لے کر آتے ہیں اور حضرت ملنگ شاہ رحمۃ اللہ علیہ کے وسیلہ سے دعا مانگتے ہیں۔
دیکھیں ویڈیو
ای ٹی وی بھارت سے بات کرتے ہوئے کمیٹی کے سیکریٹری حاجی وحیداللہ نے کہا کہ 'حضرت ملنگ شاہ رحمۃ اللہ علیہ کے عرس کے موقع پر ہزاروں کی تعداد میں عقیدت مند آتے ہیں اور خراج تحسین پیش کرتے ہیں۔'
انہوں نے کہا کہ 'نماز مغرب کے بعد محفل سماع اور چادر پوشی کا اہتمام کیا جاتا ہے اور نماز عشاء کے بعد نعت ومنقبت اور تقریر کا پروگرام ہے۔'
انہوں نے کہا کہ 'اس موقع پر ملک میں امن و شانتی اتحادواتفاق کے فروغ کے لئے دعائیں بھی مانگی جائیں گی۔'
