ریاست اترپردیش کے ضلع علی گڑھ کے اترولی ہسپتال سے علی گڑھ کے راج سکسینہ، روی، راجکمار، پوجا، دھرمندر، وکاس، روند، پپو اور شیوم اور اے ایم یو کے جواہر لعل نہرو میڈیکل کالج سے طوطا رام، بشرہ، اقصی اور اسد نے آخرکار کورونا وائرس سے جنگ جیت لی اور ہسپتال سے چھٹی مل گئی۔ سبھی صحتیاب افراد نے بھی طبی عملے اور علی گڑھ انتظامیہ کے عہدے داران کا شکر ادا کیا اور دعا کی کہ اللہ جلد سے جلد سبھی متاثرین کو صحتیاب فرمائے۔
ان سبھی لوگوں کی کورونا وائرس رپورٹ مثبت آنے کے بعد ان کو ہسپتالوں میں داخل کرایا گیا تھا جس کے بعد اب یہ مکمل طور سے صحتیاب ہوچکے ہیں اور ان کی رپورٹ بھی منفی آئی جس کے بعد ان کو اسپتال سے چھٹی دے دی گئی۔ چھٹی کے وقت طبی عملہ نے خوشی کا اظہار کرتے ہوئے ہار پہنائے اور تالیاں بجا کر ہسپتال سے رخصت کیا۔
ضلع علی گڑھ میں اب تک کورونا وائرس متاثرین کی تعداد 163 تک پہنچ چکی ہے جس میں 79 افراد مکمل طور سے صحتیاب ہو کر گھر جا چکے ہیں اور 16 اموات ہو چکی ہیں۔ اس وقت 68 ایکٹیو متاثرین ہیں جو علی گڑھ کے ہسپتالوں میں زیر علاج ہیں۔
