ڈیزل چوری معاملہ، 12 ڈرائیورز برخاست

اترپردیش کی راجدھانی لکھنؤ میں ریاستی روڈ ٹرانسپورٹ کارپوریشن میں ڈیزل چوری کے معاملے میں کنٹراکٹ پر کام کرنے والے 34 ملازمین کے خلاف کاروائی کی گئی ہے۔

ذرائع نے جمعرات کو یہاں بتایا کہ ٹرانسپورٹ کارپوریشن نے ڈیزل چوری کے معاملے میں 34 کنٹراکٹ ملازمین پر کاروائی کی ہے جن میں چارباغ ڈیپو کے 12 کنٹراکٹ ڈرائیور کی خدمات ختم کردی گئی ہیں۔ وہیں قیصر باغ ڈیپو کے 19ڈرائیور کو برخاست کرنے کی کاروائی جاری ہے۔

انہوں نے بتایا کہ اس کے ساتھ ہی قیصر باغ کے معاون سرکل مینیجر گورو ورما کو سات مہینے تک ڈیزل چوری کرنے والے ڈرائیوروں پر کاروائی نہ کرنے کے لئے نوٹس دی گئی ہے۔ ان سے سات دنوں کے اندر جواب طلب کیا گیا ہے۔