مرادآباد میں کورونا کے 11 نئے کیسز

ضلع مرادآباد میں عالمی وبا کورونا وائرس کے 11 نئے مریض سامنے آئے ہیں۔

ریاست اتر پردیش کے ضلع مرادآباد میں کورونا مثبت مریضوں کی تعداد میں مسلسل اضافہ ہوتا جا رہا ہے۔ جہاں ایک طرف کورونا مثبت مریضوں کی تعداد اب تک مرادآباد میں 209 تھی لیکن آج 11 نئے کورونا مثبت مریض ملنے کے بعد کل مریضوں کی تعداد 220 ہو چکی ہے۔

ضلع میں کورونا وائرس سے مرنے والوں کی تعداد 10 ہو چکی ہے۔ وہیں 150 مریضوں کو صحتیاب ہونے پر ہسپتال سے گھر بھیج دیا گیا ہے۔ مرادآباد کے ہسپتال میں تقریبا 60 کورونا مثبت مریضوں کا علاج چل رہا ہے۔