قومی درالحکومت دہلی میں گزشتہ چوبیس گھنٹوں کے دوران کورونا وائرس (کووڈ۔19) کے 1041 نئے معاملے سامنے آئے، جبکہ اس دوران 26 مریضوں کی موت ہوگئی۔
دہلی حکومت کی وزارت صحت کی طرف سے جمعرات کو جاری اعداد و شمار کے مطابق گذشتہ 24 گھنٹوں میں وائرس کے 1041 نئے معاملے آئے جس سے متاثرین کی مجموعی تعداد 127365 ہوگئی۔
اس مدت میں 1415 مریضوں کے صحت یاب ہونے سے مجموعی طور پر 109065 لوگ ٹھیک ہوچکے ہیں۔
دہلی میں ریکوری شرح 85.63 فیصد ہوگئی ہے، تاہم بیس جولائی کو 54 دن کے طویل وقفہ کے بعد یعنی 27 مئی کے بعد نئے متاثرہ مریضوں کی تعداد ایک ہزار سے کم 954 رہی تھی۔
واضح رہے کہ منگل سے یہ پھر بڑھ کر ایک ہزار سے زیادہ ہوگئی ہے، دارالحکومت دہلی میں 26 مزید لوگوں کی موت سے مرنے والوں کی تعداد 3745 ہوگئی ہے۔
دارالحکومت میں جمعرات کو فعال معاملات کی تعداد گذشتہ روز کے 14954سے کم ہوکر 14554 رہ گئی ہے۔
کورونا کی جانچ میں گزشتہ کچھ دنوں سے آئی تیزی سے جانچ کا اعداد و شمار 889597 پر پہنچ گیا ہے۔
گزشتہ 24 گھنٹوں میں دہلی میں 18226 ٹیسٹ کیے گئے، ان میں آر ٹی پی سی آر ٹیسٹ 5761 اور ریپڈ اینٹی جن ٹیسٹ 12466 تھے۔
دہلی میں دس لاکھ کی آبادی پر جانچ کا اوسط 46820ہے، دہلی میں کورونا بیڈ کی مجموعی تعداد 15475ہے جن میں سے 3271بھرے ہوئے اور 12204خالی ہیں، حالانکہ ہوم آئی سولیشن میں مریضوں کی تعداد گزشتہ روز کے 7966 سے معمولی بڑھ کر آٹھ ہوگئی ہے۔
دہلی میں کورونا کو قابو کرنے کے لیے کنٹینمنٹ زون بناکر ان میں خصوصی اقدامات کیے جارہے ہیں، جس سے ان کی تعدا د سات سو کو پارکرکے 704 ہوگئی ہے۔
