اناج کالا بازاری میں 100کوئنٹل چاول برآمد

ریاست اترپردیش کے ضلع اٹاوہ کے جسونت نگر میں پکڑپورا کے نزدیک ایک گودام سے 100کوئنٹل سے زیادہ سرکاری چاول برآمد کیا گیا ہے۔

ڈسٹرکٹ مجسٹریٹ جتیندر بہادر سنگھ نے بتایا کہ گودام میں سرکاری ٹیگ لگی 180 بوریاں رکھی ہوئی ملی ہیں۔

جسونت نگر کے ایس ڈی ایم جیوتی سنا بندھو کی قیادت میں موقع پر پہنچی ٹیم نے گودم کو سیل کردیا ہے۔

بتایا جاتا ہے کہ علاقے کے کوٹیداروں نے غریبوں کے لیے سرکار کی جانب سے تقسیم کیے جارہے چاول میں دھاندھلی کرکے اس کی کالا بازاری کی ہے، یا پھر کسی سرکاری گودام سے چاول کی بوریوں کو فروخت کیا گیا ہے۔

اٹاوہ کے جسونت نگر میں پکڑپورا کے نزدیک ایک گودام سے 100کوئنٹل سے زیادہ سرکاری چاول برآمد کیا گیا ہے

فی الحال گودام مالک کے خلاف مقدمہ درج کیے جانے کی کاروائی انتظامیہ نے شروع کردی ہے۔

انہوں نے بتایا کہ یہ گودام سنجو گپتا نامی شخص کا بتایا گیا ہے، ٹیم نے جب گودام کو کھلوایا تو اس میں کثیر مقدار میں سرکاری چاول کی بوریاں ملی ہیں، جس میں کچھ بوریاں گیہوں کی بھی شامل تھیں۔

ایس ڈی ایم نے موقع پر ہی ایک ایک بوری کی گنتی کروائی، کئی گھنٹوں تک چلی جانچ کے بعد پایا گیا کہ گودام میں 180 بوریوں میں 102 کوئنٹل چاول بھرا ہوا ملا ہے۔

پولیس کو شبہ ہے کہ یاتو کسی راشن کے گودام سے ان چاول کی بوریوں کی کالا بازری کی گئی ہے یا پھر کسی کوٹیدار نے راشن تقسیم میں گھپلہ کرکے غریبوں کے چاول کی کالا بازری کی ہے۔