آلودہ پانی پینے سے 100 افراد بیمار

ضلع مہوبہ میں آلودہ پانی پینے سے تقریبا 100 سے زائد افراد بیمار ہو گئے ہیں۔

ریاست اترپردیش کے ضلع مہوبہ کے صدر کوتوالی علاقے کے پلکا گاؤں میں آلودہ پانی پینے سے بدھ کو تقریبا 100 سے زیادہ افراد بیمار پڑ گئے۔

مہوبہ ضلع ہسپتال کے چیف میڈیکل افسر آر پی مشرا نے بتایا کہ 'اطلاع کے مطابق گاؤں کے کچھ لوگوں نے ایک ہینڈ پمپ کا پانی پیا اور اس کے بعد وہ بیمار ہوگئے۔
اس ضمن میں ہینڈ پمپ کے پانی کے نمونے کو جانچ کے لیے بھیجا گیا ہے۔ پانی پینے کے بعد لوگوں کو الٹی۔دست کی شکایت ہے۔

انہوں نے کہا کہ ساٹھ سے زیادہ افراد کو ضلع ہسپتال میں داخل کرایا گیا ہے جنہیں آئی سی یو میں رکھا گیا ہے۔