لکھنؤ میں 100 افراد کی کورونا رپورٹ مثبت

یوپی محکمہ صحت کے جاری کردہ اعداد و شمار کے مطابق ریاست کے 48 اضلاع میں اب تک 805 افراد کی کورونا ٹیسٹ رپورٹ مثبت آئی ہے۔ حکومت کی تمام کوششوں کے باوجود ریاست میں تعداد مسلسل بڑھتی جا رہی ہے۔

اترپردیش میں کورونا وائرس سے متاثر مریضوں کی تعداد میں اضافہ ہوتا جا رہا ہے۔ اسی سے اندازہ لگایا جاسکتا ہے کہ گزشتہ کچھ دنوں میں تیزی کے ساتھ ریاست میں کورونا وائرس کا پھیلاؤ مزید بڑھتا ہی جارہا ہے۔ صوبے میں آج 82 نئے کیس سامنے آئے ہیں۔

اگرہ میں سب سے زیادہ 167

نوئیڈا میں 92

میرٹھ میں 69

غازی آباد میں 28

شاملی میں 22

سہارنپور میں 53

سیتا پور میں 14

فیروزآباد میں 25

کانپور میں 22

بلند شہر میں 12

مراد آباد میں 21

باغپت میں 15

بستی میں 16

بجنور میں 13

اور دارالحکومت لکھنؤ میں 100

اترپردیش میں کورونا وائرس صوبہ کے 48 اضلاع تک پہنچ گیا ہے۔ ریاست میں کورونا وائرس سے مثبت افراد کی تعداد 805 ہو گئی ہے۔

لکھنؤ کی بات کی جائے تو یہاں پر گزشتہ روز تک 75 افراد مثبت تھے لیکن آج 100 ہو گئیں۔ اس سے صاف ظاہر ہے کہ شہر میں کورونا کا پھیلاؤ مزید بڑھتا ہی جارہا ہے۔ ضلع انتظامیہ کی تمام کوششوں کے باوجود فہرست لمبی ہوتی جا رہی ہے۔ حالانکہ شہر کے 13 علاقوں کو پوری طرح سیل کر دیا گیا ہے۔ لیکن جلد ہی ایسے علاقوں میں اضافہ ہوسکتا ہے کیونکہ لگاتار معاملے سامنے آرہے ہیں۔صوبے میں اب تک 74 مریض ڈسچارج کیے گئے ہیں۔آگرہ سے 10غازی آباد سے 7نوئیڈا سے 25میرٹھ سے 14ہاتھرس سے 4دارالحکومت لکھنؤ سے 6کانپور، شاملی، مرادآباد اور کھیری سے ایک ایک لوگوں کو جبکہ پیلی بھیت اور بریلی سے دو لوگوں کو ڈسچارج کر دیا گیا ہے۔کرونا وائرس سے اتر پردیش میں اب تک 13 افراد ہلاک ہوئے ہیں۔ لکھنؤ، کانپور، بستی، میرٹھ، وارانسی، بلندشہر، میں ایک ایک لوگوں کی موت ہوئی، جبکہ مراد آباد میں دو اور آگرہ میں پانچ۔کرونا ٹیسٹ کے لیے اب تک کل 21384 سیمپل بھیجے گئے ہیں، جن میں 20374 کی رپورٹ منفی آئی ہے۔پولیس مائک کے ذریعے لوگوں سے اپیل کر رہی ہے کہ وہ کسی بھی حال میں باہر نہ نکلیں، ورنہ ان پر سخت کارروائی یقینی بنایا جائے گا، جس کے وہ خود ذمہ دار ہوں گے۔اس کے علاوہ ہاٹ اسپاٹ والے علاقوں میں 75 سی سی ٹی وی کیمرے لگائے جائیں گے۔قابل ذکرہے کہ ان علاقوں میں کسی بھی طرح کی کوئی دوکان نہیں کھلے گی۔ وہاں کے باشندوں کو ضرورت کی چیزیں ضلع انتظامیہ کی جانب سے دستیاب کروائی جائیں گی۔