ریاست اترپریش کے دارالحکومت لکھنؤ میں ایڈیشنل چیف سکریٹری اونیش اوستی اور پرنسپل سیکریٹری صحت نے بدھ کے روز پریس کانفرنس میں کورونا وائرس کے انفیکشن سے متعلق معلومات فراہم کیں۔
ایڈیشنل چیف سیکریٹری ہوم اونیش اوستی نے کہا کہ ریاست کے 10 اضلاع ابھی تک کوروناوائرس کے انفیکشن سے آزاد ہیں، جو کہ اچھی علامتیں ہیں۔
انہوں نے کہا کہ ریاست میں گندم کی 70 فیصد سے زیادہ کٹائی ہوگئی ہے، گنے کے کاشتکاروں کو اس بار کٹائی میں کوئی پریشانی کا سامنا نہیں کرنا پڑا ہے۔
اس کے ساتھ ہی وزیراعلیٰ نے واضح طور پر ہدایت دی ہے کہ لاک ڈاؤن کا مطلب لاک ڈاؤن ہونا چاہیے۔ کسی کو بھی لاک ڈاؤن توڑنے کی اجازت نہیں ہوگی، اور لاک ڈاؤن کی خلاف ورزی کرنے والوں کے خلاف سخت کارروائی کی جائے گی۔
انہوں نے کہا کہ کورونا کے بچاؤ کے کام میں مصروف تمام اہلکاروں کی بھی تفتیش کی جانی چاہیے۔ میڈیکل ٹیکنیشن کی تربیت کا کام بھی کیا جارہا ہے۔
واضح رہے کہ اب تک 10 اضلاع کورونا فری ہوچکے ہیں، 22 اضلاع پہلے ہی کورونا وائرس کے انفیکشن سے آزاد ہیں۔ اس کے باوجود وزیراعلیٰ کی ہدایت یہ ہے کہ ان تمام اضلاع میں حفاظت کا احتیاط کا خاص خیال رکھنا چاہیے۔
