خیال رہے کہ عالمی وبا کورونا وائرس کے پھیلاؤ کے پیش نظر ملک گیر سطح پر مرحلہ وار لاک ڈاؤن نافذ کیا گیا تھا پھر بعد میں ان لاک کے دوران راحت دیتے ہوئے معاشی سرگرمیوں کی اجازت دی گئی۔ اب دھیر دھیرے ہفتہ ورانہ لاک ڈاؤن کو بھی ختم کیا جارہا ہے۔
اس سلسلے میں ادھم پور ڈپٹی کمشنر نے بدھ کے روز نیا حکم جاری کرتے کہا کہ' ضلع میں نافذ ہفتہ ورانہ لاک ڈاؤن ختم کیا جارہا ہے'۔
مرکزی حکومت کی طرف سے جاری کردہ حکم پر عمل کرتے ہوئے ان لاک 4 کے رہنما خطوط کے بعد ضلعی انتظامیہ نے یہ نوٹیفکیشن جاری کیا ہے۔
حکم نامے میں لوگوں سے خاص طور پر گھر سے باہر نکلتے وقت ماسک پہننے، سماجی دوری بنائے رکھنے اور دکانداروں کو سینیٹائزیشن پر دھیان دینے کے لیے خاص طور پر کہا گیا ہے۔ ان ہدایات کی خلاف ورزی کرنے والوں کے خلاف کارروائی کا بھی عندیہ دیا۔
