بڑھتی مہنگائی سے ناراض دستکار مزدور یونین نے آج ادھمپور میں احتجاج کرتے ہوئے حکومت سے بڑھتی قیمت کو واپس لینے کا مطالبہ کیا۔ دستکار مزدور یونین کے صدر درشن کمار نے کہا کہ مہنگائی عروج پر ہے اور غریبوں کا جینا مشکل ہوگیا ہے۔ ایک مزدور کے لیے 1000 روپے کا گیس سلنڈر بھرنا بھی بہت مشکل ہے۔ ایک ماہ کے اندر رسوئی گیس کی قیمتوں میں 50 روپے سے زائد اضافہ کردیا گیا ہے جو ایک غریب کو بہت متاثر کررہا ہے۔'
انہوں نے کہا کہ بچوں کی اسکالر شپ کے لیے جو پیسہ آتا تھا وہ بھی بند پڑا ہے۔ مزید 1000 روپے کی جو پنشن غریب آدمی کو ملتی تھی وہ بھی نہیں مل رہی ہے'۔
- مزید پڑھیں: ''مرکزی حکومت تیل و ضروری اشیا کی قیمتوں میں کمی لائے''
- ادھمپور: مہنگائی کے خلاف کانگریس کارکنان کا احتجاج
انہوں نے ایل جی انتظامیہ اور وزیر اعظم مودی سے اپیل کی کہ وہ غریبوں کے بارے میں سوچیں۔ مزدوروں کا جینا محال ہوگیا ہے۔ کورونا کے دوران لوگوں کو ان کی اجرت بھی نہیں مل رہی ہے اس لیے انہیں حکومت کی طرف سے کچھ ریلیف دیا جانا چاہیے تاکہ وہ اپنے اہل خانہ کے لیے دو وقت کی روٹی کا انتظام کرسکیں'۔
