صوبہ جموں کے ادھمپور ضلع میں عدالت نے جنسی زیادتی کے معاملہ میں ملوث دو بھائیوں کی ضمانت کو مسترد کر دیا ہے۔
پولیس کے مطابق 21 فروری 2021 میں ایک شخص کی جانب سے تحریری شکایت چیف جوڈیشنل مجسٹریٹ ادھمپور کے پاس درج کروائی گئی تھی۔ جس میں ایس ایچ او پولیس سٹیشن ادھمپور کو جنسی زیادتی کے معاملہ میں ایف آئی آر درج کرنے کا حکم جاری کرنے کے لئے سفارشات طلب کی گئی تھی۔
عدالت کے حکم کے بعد پولیس نے محمد حنیف اور اس کے بھائی محمد مشتاق ولد فیروز الدین اور دو نامعلوم افراد کے خلاف معاملہ درج کر لیا تھا۔
پولیس نے تحقیقات میں پایا کہ دونوں بھائی جموں سے ایک گاڑی زیر نمبر JK14F-9298 میں آکر متاثرہ کے گھر زبردستی داخل ہوئے اور مار پٹائی کرنے کے ساتھ ساتھ جنسی زیادتی بھی کی۔ متاثرہ کے شور مچانے پر سبھی موقعہ سے فرار ہونے میں کامیاب ہوگئے۔
پولیس نے معاملہ کے سلسلہ میں تحقیقا ت مکمل کر کے چلان پیش کیا۔ تاہم دونوں ملزمان کی جانب سے دائر ضمانت کی عرضی کو مسترد کر تے ہوئے جج نے مزید تحویل میں رکھنے کا حکم جاری کیا ہے۔
یہ بھی پڑھیں: ادھم پور: بارش کے سبب بِرما پُل کا ایک حصہ پھر منہدم
