جموں صوبے کے محکمہ صحت کے ڈائریکٹر ڈاکٹر رینو شرما کی ہدایت کے مطابق آج ڈسٹرکٹ اسپتال ادھمپور میں کووڈ ۔ 19 ویکسین کا ڈرائی ٹرائل کیا گیا۔
یہ ڈرائی ٹرائل اے ڈی ڈی سی ادھمپور اشوک کمار کے اے ایس اور چیف میڈیکل آفیسر کی نگرانی میں منعقد کرایا گیا۔
اس ڈرائی ٹرائل میں ویکسین کے شروع سے لے کر آخر تک جن طریقۂ کار سے گزرنا پڑتا ہے، ان تمام فعل کی وضاحت کی گئی ہے اور کووڈ 19 کے ایس او پی کے مطابق تمام طریقہ کار کو سختی سے متعارف کروائے گئے۔
ضلع ادھم پور کے تین مقامات پر کووڈ ویکسین کی سہولیات دستیاب ہوگی جس میں پنچیری، رام نگر اور ضلع ادھمپور میں ڈسٹرکٹ ہسپتال بھی شامل ہیں۔
ضلع میڈیکل آفیسر ڈاکٹر کے سی ڈوگرا نے کہا کہ وہ کووڈ ویکسین لگانے سے پہلے تمام تر تیاریوں کو حتمی شکل دینا چاہتے ہیں تاکہ اگر کوئی کمی یا کوتاہی رہ جاتی ہے تو اسے فورا دور کی جاسکے۔
انھوں نے مزید کہا کہ وہ حکومت کے آئندہ احکامات کا انتظار کر رہے ہیں، اور جیسے ہی حکومت کی طرف سے ہدایات دی جائیں گی ویسے ہی لوگوں کو بھی یہ سہولیات دستیاب کرائی جائیں گی۔
مزید پڑھیں: برڈ فلو کی دستک: جموں کے دو اضلاع میں پرندوں کے مرنے کی خبر
