جموں و کشمیر کے ادھمپور ضلع کا واحد وائلڈ لائف پارک شہر سے متصل سمبل علاقے میں واقع ہے، جہاں محکمہ کے ذریعہ جنگلی ہرنوں کی حفاظت کی جاتی ہے۔
وائلڈ لائف پارک میں ہرنوں کے صحت کی خصوصی جانچ
ایک جانب جانوروں کو گرمی سے تحفظ کے لئے مناسب انتظامات کیے گئے ہیں تو وہیں دوسری جانب انھیں کورونا انفیکشن سے بچانے کے لئے حفاظتی ٹیکوں اور صحت کی جانچ کی جارہی ہے۔
محکمہ کے عہدیداروں کے مطابق پہلے ٹانڈے پارک میں موجود ہرنوں و دیگر جانوروں کی سال میں ایک یا دو بار صحت کی جانچ کی جاتی تھی لیکن کرونا وبا کے باعث ان جانوروں کی ہر ماہ صحت کی جانچ کی جارہی ہے۔
انہوں نے کہا کہ جانوروں کو کورونا انفکشن سے بچانے کے لئے ہر طرح کی تدابیر کی جا رہی ہے۔ ان کی صحت اور ان کے کھانے کا پورا خیال رکھا جا رہا ہے۔ انہوں نے کہا کہ محکمہ کی چوکسی کی وجہ سے تمام جانور صحت مند ہیں۔
