جموں و کشمیر کے ضلع ادھمپور کے ایک سماجی کارکن امن شرما کے ذریعے ایک پریس کانفرنس کا انعقاد کیا گیا۔ پریس کانفرنس میں میڈیا نمائندوں سے خطاب کے دوران انہوں نے کہا کہ' ضلعی ہسپتال میں مسلسل سہولیات کی کمیاں دیکھی جا رہی ہیں۔
انہوں نے کہاکہ' ضلعی ہسپتال کے سی سی ٹی وی کیمرے تقریبا 8 ماہ سے خراب پڑے ہیں، مزید حکومت کی جانب سے کووڈ-19 کے پیش نظر دیے گئے وینٹیلیٹرز آج بھی جو ں کہ توں پڑے ہیں، کیونکہ اسے کیسے استعمال کیا جائے، اس بابت کسی کو علم ہی نہیں ہے۔
مزید پڑھیں:
زرعی قانون سے کسانوں کو فائدہ ہوگا: جتیندر سنگھ
انہوں نے اس تعلق سے انتظامیہ اور اعلیٰ افسران سے اپیل کی ہے کہ وہ ضلعی ہسپتال میں بہتر سہولیات فراہم کرائیں تاکہ مریضوں کو بہتر سہولیات مل سکے۔
اس تعلق سے انہوں نے انتظامیہ و محکمہ صحت کو انتباہ دیا ہےکہ' اگر انہوں نے مسائل کو حل نہیں کیے تو آئندہ اس بابت ایک دن کا دھرنا دیا جائے گا اور اگر اس سے بھی بات نہیں بنی تو آگے مزید احتجاج و مظاہرے کیے جائیں گے۔
