ان کمیونٹی رسوئی گھروں میں کھانا تیار کر کے پیک کیا جاتا ہے اور بعد میں ضلع کے غریب لوگوں اور درماندہ افراد میں تقسیم کیا جاتا ہے ۔
لوگوں نے ضلع انتظامیہ کی اس پہل کی ستائش کی ہے اور اب تک ایک لاکھ سے زائد فوڈ پیکٹ ضرورتمند افراد میں تقسیم کئے جا چکے ہیں ۔
ادھمپور کے ان کمیونٹی رسوئی گھروں میں روزانہ تقریباً 7 ہزار فوڈ پیکٹ تیار کئے جاتے ہیں ان رسوئی گھروں کو ایک مرکزی جگہ پر قائم کیا گیا ہے ۔
ابتدا میں ضلع انتظامیہ نے درماندہ مزدوروں اور ٹرک ڈرائیوروں کے لئے ایک کمیونٹی کیچن قائم کیا تھا تاہم کھانے کی مانگ میں اضافے کو دیکھتے ہوئے ضلع انتظامیہ نے مزید دو کیچن قائم کئے اور اب روزانہ بنیادوں پر دو ہزار کی جگہ 7 ہزار فوڈ پیکٹ تیار کئے جاتے ہیں ۔ کمیونٹی رضا کار ضلع انتظامیہ کو اپنا تعاون دے رہے ہیں ۔
ان کمیونٹی رسوئی گھروں کا انتظام دیکھنے کیلئے ڈپٹی کمشنر پیوش شنگلا نے ڈی آئی سی کے جنرل منیجر سورم چند شرما کو نوڈل افسر مقرر کیا ہے اور وہ کئی ضلع افسروں کے تعاون سے اپنا کام انجام دے رہے ہیں ۔
ان کمیونٹی رسوئی گھروں میں پیشہ ور افراد کھانا تیار کرتے ہیں اور فوڈ پیکٹس کی تقسیم کاری ایک منظم لایحہ عمل کے تحت انجام دی جا رہی ہے ۔
متعلقہ افسروں کے ٹیلی فون نمبرات بڑے پیمانے پر شایع کئے گئے ہیں تا کہ ضرورتمند لوگ اُن کے ساتھ رابطہ کر سکیں ۔
ضلع کے دیگر افراد کو ضروری سہولیات فراہم کرنے کیلئے ضلع انتظامیہ مناسب اقدامات کر رہی ہے۔
