پورے ادھم پور ماتم کا ماحول ہے، ہر چوک چوراہے پر صرف نکھل شرما کی بات ہورہی۔ واضح رہے کہ ضلع کپواڑہ کے علاقے تنگدھار میں برفانی تودے گرنے کے سبب فوج کے تین اہلکار زخمی ہوگئے تھے، جنہیں فوج کے ذریعہ ترجیح کی بنیاد پر فوج ہسپتال میں داخل کرایا گیا تھا، جس میں دو فوجی بچ گئے لیکن نکھل شرما شہید ہوگئے۔
آج شہید کی لاش کو کپواڑہ سے براہ راست آرمی ہسپتال لایا گیا جہاں نعش کو فوج کی گاڑی سے شہید کے گھر بھیج دیا گیا۔ جہاں مقامی نوجوانوں نے موٹرسائیکل ریلی نکالی اور بھارتیہ فوج کی حمایت اور نکھل شرما امر رہے کے نعرے لگائے۔
شہید کی میت کو بعد میں ان کے آبائی گاؤں رٹھیان لایا گیا۔ لاش دیکھ کر کنبے کا برا حال تھا، بعد میں ہندو رسموں کے ساتھ پورا عمل مکمل کرنے کے بعد شہید کی لاش کو پورے فوجی اعزاز کے ساتھ ایک فوجی گاڑی میں دیویکا گھاٹ لایا گیا۔ دیویکا گھاٹ میں شہید کو مکمل فوجی اعزاز کے ساتھ آخری وداعی دی گئی۔
