مرکز کے زیر انتظام جموں و کشمیر کے ادھمپور کی ایک فیکٹری میں آتشزدگی کا واقعہ پیش آیا۔ دراصل علاقے کے انڈسٹری اسٹیٹ کے دھنوکا ایگریٹیک لمیٹڈ فیکٹری میں کل رات اچانک آگ بھڑک اٹھی۔
انڈسٹری اسٹیٹ میں دھنوکا ایگریٹیک لمیٹڈ فیکٹری میں کل رات اچانک آگ بھڑک اٹھی۔ آگ لگنے کی وجہ سے فیکٹری بری طرح جل کر راکھ ہوگئی۔ اس حادثے میں فیکٹری میں رکھا لاکھوں کا سامان خاکستر ہو گیا۔
اطلاع ملتے ہی فائر ڈیپارٹمنٹ بھی آگ بجھانے کے لئے موقع پر پہنچا لیکن آگ اتنی زیادہ تھی کہ اسے میں قابو کرنے کے لئے انہیں سخت محنت کرنی پڑی۔ فیکٹری میں موجود ہر چیز جل کر راکھ ہوگئی۔
اطلاعات کے مطابق فیکٹری پارکنگ میں کھڑی گاڑیاں بھی جل کر راکھ ہوگئیں۔ وہیں فیکٹری میں آگ لگنے کی وجہ کا ابھی تک پتا نہیں چل سکا ہے۔
فیکٹری میں لگنے والی آگ کو بجھانے کے لئے فضائیہ اور آرمی کی بھی مدد لی گئی۔ اس دوران ادھم پور ڈی سی اور ایس ایس پی بھی موجود رہے۔
فی الحال پولیس نے اس سلسلے میں مقدمہ درج کر کارروائی شروع کردی ہے۔
