اُدھم پور: والی بال ٹورنامنٹ کا آغاز

جموں و کشمیر کے ضلع اُدھم پور کی گورنمنٹ بوائز ہائر سیکنڈری اسکول میں سہ روزہ والی بال مقابلے کا آغاز ہوا۔

اُدھم پور ڈسٹرکٹ کمشنر ڈاکٹر سِنگلا نے ٹورنامنٹ کی افتتاحی تقریب میں مہمان خصوصی کی حیثیت سے شرکت کی اور والی بال کے اس مقابلے کا افتتاح کیا۔ اس ٹورنامنٹ میں 8 ٹیمیں حصہ لیں گی۔

مقابلہ دیکھنے کے لیے اسکول کے طلبہ و طالبات کی بڑی نظر آئی۔

ڈسٹرکٹ کمشنر سنِگلا نے کہا کہ 'کھیلوں کے انعقاد سے نوجوانوں میں کھیل کے تئیں رغبت پیدا ہوتی ہے اور جموں و کشمیر انتظامیہ کھلاڑیوں کی حوصلہ افزائی کے لیے ہر ممکن کوشش کررہی ہے جس کی وجہ سے نوجوان قومی سطح پر بھی کھیلوں میں اپنی جگہ بنا سکتے ہیں نیز وہ برے کاموں سے بھی دور رہیں گے۔