جموں و کشمیر کے ضلع ادھمپور میں واقع جگانو بلاک میں برڈ فلو کی تصدیق ہوئی ہے۔ گھر میں پالے گئے مرغوں میں برڈ فلو پایا گیا ہے۔ ان کے سیمپل بھوپال کی لیب میں بھیجے گئے تھے، جہاں ان کی رپورٹ آئی ہے۔
اینیمل ہسبینڈری اینڈ فشریز ڈپارمنٹ کے کمشنر سکریٹری نے ادھمپور کے ڈی سی کو جگانو میں کئی طرح کی پابندیاں لگانے کی ہدایت دی ہے۔
یہ بھی پڑھیں: کشمیر : مہاجر پرندوں میں برڈ فلو کی تصدیق
گزشتہ دنوں جگانو بلاک کے دندھال ویسٹ گاؤں کے وارڈ نمبر دو میں کچھ مرغوں کے مرنے کی خبر سامنے آئی تھی۔ گاؤں والوں نے جب اس کی جانکاری متعلقہ افسران کو دی، تو انہوں نے سیمپل کو جانچ کے لیے بھیجا۔ جانچ میں فلو کی تصدیق ہوئی۔
فی الحال علاقے کو انفیکٹیڈ قراد دیا گیا ہے اور آس پاس کے 10 کلومیٹر کے علاقے کو سرویلنس پر رکھا گيا ہے۔
