محکمہ صحت کی براہ راست نگرانی کے بعد اودھم پور میں 24 لوگوں کے کورینٹائن کی مدت مکمل ہونے کے بعد آج گھر جانے کی اجازت دے دی گئی ہے۔
ان تمام لوگوں نے کورینٹائن کی مدت کو پورا کیا جس کے بعد انہیں 14 دنوں تک گھر سے باہر نہ نکلنے کی ہدایت کے ساتھ گھر جانے کی اجازت دی گئی ہے۔
اودھمپور جموں ڈویژن میں کووڈ 19 کے 9 مثبت معاملے ہیں، اس لئے ضلع کے مختلف علاقوں کو ریڈ زون قرار دیا گیا ہے۔
ضلع میں محکمہ صحت کی براہ راست نگرانی میں کووڈ 19 کے 324 مشتبہ لوگوں کو کورینٹائن میں رکھا گیا ہے۔
ان مشتبہ افراد کو مختلف مقامات جیسے ڈگری کالج، خواتین ڈگری کالج، ضلع اسپتال، مقامی ہوٹلوں اور گیسٹ ہاؤس میں کورینٹائن کیا جا رہا ہے۔
ادھم پور کے ضلع کمشنر نے بتایا کہ انہیں آج اس مشورے کے ساتھ گھر جانے کی اجازت دی گئی ہے کہ وہ 14 دن گھر سے باہر نہیں نکلیں گے۔
