تری پورہ میں سیلاب کا قہر

تری پورہ میں موسلاد ھار بارش اورسیلاب کی وجہ سے شمالی تری پورہ کے ضلع اناکوٹی اور دھلائی میں 100 سے زائد گھر تباہ ہوگئے، 1000 سے زائد خاندان اس سے متاثر ہیں۔

لوگوں کو ان کے سامان کے ساتھ انہیں محفوظ مقام پر لے جایا جارہا ہے، ریاست میں بارش اور اچانک سیلاب نے لوگوں کو بے گھر کردیا ہے۔

تری پورہ اسٹیٹ رائفلس فائر فائٹر ٹیم اور ریاستی انتظامیہ بھی راحتی و بچاؤ کام میں شامل ہوگئی ہے۔

ریاستی ایمرجنسی آپریشن سینٹر کے مطابق ضلع اناکوٹی میں 358 بے گھر ہوئے ہیں جب کہ شمالی تری پورہ میں 381 بے گھر ہوئے ہیں۔

ضلع دھلائی میں 1039 مکانات متاثر ہوئے ہیں۔

ریاستی انتظامیہ کی جانب سے سیلاب متاثر لوگوں کو پانی،میڈیسین، غذا فراہم کی جارہی ہے۔ کوئی جانی نقصان نہیں ہوا ہے۔

افسران کے مطابق پانی کم ہورہا ہے اور آئندہ 24 گھنٹے بارش نہیں ہوتی ہیں تو حالات بہتر ہوجائیں گے۔