لکھنو میں پولیس انکاونٹر ، تین مجرم گرفتار

لکھنو میں پولیس سے انکاونٹر کے بعد تین مجرمین سکندر ، محمد ندیم اور محمد اعجاز کو گرفتار کیا گیا اور ان کے قبضہ سے دو پستول ، ایک موٹر سیکل اور نقد رقم برآمد کی گئی۔

یہ تینوں مجرمین جن کے سر پر 10 ہزار روپئے کا انعام تھا سنیچر کی رات پولیس سے انکاونٹر کے بعد گرفتار کرلیے گئے۔ گرفتار شدہ مجرمین کی شناخت سکندر (گولو) ، محمد ندیم اور محمد اعجاز کی حیثیت سے کی گئی ہے۔

اے سی پی کرشنا نگر امیت کمار نے کہا کہ سکندر ایک درجن سے زائد مقدمات میں ملوث ہے وہ ایک بائیک پر اپنے دو ساتھیوں کے ساتھ سوار تھا جب پولیس نے سیسا ندی روڈ پر ایک اطلاع ملنے پر اسے گھیر لیا جس پر ملزم نے پولیس پر فائرنگ کی لیکن انہیں گرفتار کرلیا گیا۔

پولیس نے ان کے قبضہ سے دو پستول ایک موٹر سیکل اور نقد رقم بھی ضبط کی۔