مغربی بنگال میں کورونا وائرس کے یومیہ کیسز کی تعداد میں کمی کا سلسلہ جاری ہے. گذشتہ چوبیس گھنٹوں کے دوران ریاست میں کورونا وائرس کے 7،002 نئے کیسز کی تصدیق ہوئی ہے۔ گذشتہ چوبیس گھنٹوں کے دوران ریاست میں کورونا وائرس کے سبب 107 لوگوں کی موت ہوئی ہے۔
ریاستی محکمہ صحت نے کہا ‘یومیہ شرح اموات اور کورونا کے نئے کیسز دونوں میں نمایاں کمی آئی ہے. نئے کیسز کی تعداد میں تیزی سے کمی آئی ہے اور اموات شرح میں کمی ایک مثبت اشارہ ہے. شرح اموات میں کمی آجاتی تو کورونا کیسز میں بہتری کہی جا سکتی ہے. ہماری کوشش ہے کہ کسی بھی قیمت پر یومیہ موت کی تعداد سو سے کم ہو جائے’.
اضلاع میں کورونا وائرس کے یومیہ کیسز پر ایک نظر
شمالی 24 پرگنہ :1438
کولکاتا :645
جنوبی 24 پرگنہ :390
ہوڑہ :471
ہگلی :393
جلپائی گوڑی :543
مغربی بنگال میں کورونا وائرس کے مریضوں کی کل تعداد 14،19،130 تک پہنچ چکی ہے جبکہ اس بیماری سے اب تک 15،159 افراد کی موت ہو گئی ہے.
دوسری طرف کورونا سے صحتیاب ہونے والے افراد کی تعداد 13،78،419 تک پہنچ چکی ہے۔ ریاست میں کورونا ویکسین پانے والوں کی تعداد ایک کروڑ 41 لاکھ، 33 ہزار ہے۔
